Plastinnsamling på Sviland lørdag 28. mars 2009

Fjellbygda 4H arrangerer innsamling av landbruksplast lørdag 28. mars kl. 10.00 -13.00, på parkeringsplassen ved Sviland samfunnshus.
Sorter plasten godt som vanlig. Retningslinjer for dette finner du på arkivbloggen vår.
4H frister oss også med kaffi og kaker og mulighet til trivelig drøs .

Møt opp og bli av med plasten, folkens!

Årsmøte i Rogaland bondelag

Det vert årsmøte i Rogaland bondelag i Haugesund fredag 20. mars og lørdag 21. mars.
Utsendingar frå Sandnes Bondelag er:
Morten Malmin
Sindre Årsvoll
Gunn Marit Svihus
Leiv Velle Åreskjold
Sven Martin Håland
Andreas Viste

Dersom nokon har viktige saker som me bør ta med oss til årsmøtet er det bare å ta kontakt.

Alternativ til dynamitt demonstrert på Garpestad

Rogaland Bondelag i samarbeid med Norges Bondelag arrangerte demonstrasjon med Simplex utstyr for å sprekka fjell og stein hos Livar Nedrebø på Garpestad i Time 4. mars. Simplex er sprekkemiddel som kan vera alternativ til dynamitt. Me som møtte opp fekk ei orientering om systemet og sjå bruk av dette i praksis.

---

Ute på beitet var det bora hol i tre steinar.

Først fekk me sjå ein patron avfyrt oppå bakken - det var egentleg ein litt tam kinaputt - og så vart det lada i den minste steinen, anslått til ca. 3 kubikkmeter stor. Ladningen var ein patron på 75 gram. På ein avstand av 20 meter vart den avfyrt elektrisk og steinen delte seg fint i fleire store deler på plassen uten at det fauk særleg vekk.

Etterpå vart det kløyvt to større steinar med to og tre patroner i kvar.

----

Firmaet som stod for dette er Power Tools Norge ved Harald Jensen (også kjent som verdensmester i skeet, og OL-deltaker i samme idrett. Han er oppvaksen med kruttrøyk..)

Harald Jensen sa at reglane for bruk av sprekkemiddel er under omarbeiding.

---

Odd Magne Nordmark frå Bondevennen var med og noterte og me reknar med det kjem ein god reportasje i Bv om ikkje lenge. Det kjem truleg også meir på Rogaland Bondelag sine sider, Olav Sande og Svein Helge Harbo var med derfrå.

Uttale til jordbruksforhandlingane

Sandnes Bondelag har nå utarbeida og sendt vidare uttale til årets jordbruksforhandlingar. Hovudpunka i uttalen er:

Jordbruket bør styrkast betrakteleg, for å oppretthalde matproduksjonen i heile Norge. Dette må først å fremst hentast ut med auka tilskott med direkte inntektsverknad. Etter auka direkte tilskott bør investeringsverkemiddel prioriterast framfor velferd.

Elles er hovedpunkta:

• behalde strukturinnretning på tilskott.
• større tal dyr for å få tilskott (F.eks minimum 10 kyr for å få driftstilskott til mjølkeprod.)
• prisnedskrivingstilskott for korn bør aukast for å sikre billigare kraftfôr.
• fraktordningane bør styrkast for å sikre produksjon over heile landet.
• avvikling av investeringstilskott gjennom Innovasjon Norge, og kun satse på rentestøtteordninga i større omfang enn i dag.
• auka produksjon av norsk produserte økologiske varer, for i større grad å dekke marknaden og unngå import. Samstundes ser ein ikkje grunn til å stimulere til auka etterspurnad etter økologiske varer, og det er viktig å framheve konvensjonell norsk produsert mat, som ein like god vare som økologisk.
• auka prisar på økologiske produkt, og dagen tilskott til økologisk bør oppretthaldast som i dag utan auke.
• sentrale midlar som beitetilskott, areal og kulturlandskapstilskott bør prioriterast framfor RMP og SMIL midlar.
• tilskott til miljøvennleg spreiing/bruk av husdyrgjødsel.

Bondevorspiel igjen : Lørdag 21. februar !

Sett av lørdag 21. februar til ein tur på byen i Sandnes !

Sandnes Bondelag arrangerer vorspielet på Bøndenes Hus frå kl. 19.30 til ca. kl 23.00, og inviterer bønder, dei som kan tenka seg å bli bønder, og folk i landbruksmiljøet ellers..

• Ikkje-medlemmer er også hjertelig velkomne !
• Folk i landbruket utafor Sandnes også !

• Me ordner pizza til vorspielet - drikkevarer må du ta med sjøl.
• Etter vorspielet, ca. kl. 23.00, stikker me ut på byen i Sandnes.

• Nedre aldersgrense 18 år. Ingen øvre :-)
• Treng ikkje påmelding, det er bare å møta opp med godt humør ! Dette blir uhøytidelig !

For dei som bruker Facebook er vorspielet også omtalt her .

Er det folk som har greie på garving her ?

Ei dame lurer på koss ein går fram for å preparere saueskinn. Dyra er altså flådde og skinna er strødde salt på, men så koss gjer ein vidare ?
Som den serviceinnstilte næringa me er gjer me alt for kundane. Har nokon greie på dette ?
Mail til leiv.velle.areskjold@hotmail.com eller tlf 90948002

Jord til leie i Kaliningrad

Jærbladet hadde 21. januar denne reportasjen om jord til leie i Kaliningrad.
På våre kantar er Martin Haarr engasjert i prosjektet. Han tar gjerne mot spørsmål. Mailadresse: martin alfakrøll landfiks.no

5 km grensa vert endra til 34 km

Alle ytringane frå bondelag og maskinforeningar har nådd fram! Formuleringa i brosjyren "Vis traffikkvett på traktoren" med ei avgrensing på kjøring med utstyr utover 5 km, vert ikkje gjeldane. I staden vert det ei avgrensing på 34 km.

Samferdselsministeren har bestemt at kortere avstand skal være 34 kilometer. Det tilsvarer den maksimale avstanden innanfor ei samdrift, som er to x 17 kilometer. Endringa gjeld frå nå av.

Bedre Gardsdrift erfarer at Navarsete også vil sette ner ei bredt sammansatt og hurtigarbeidande arbeidsgruppe som skal sjå på problematikken rundt forflytting og transport av breide reiskap. Gruppa får som oppgåve å finne meir fleksible løysingar der både trafikksikkerheit og landbrukets nye behov vert ivaretatt.
Arbeidsgruppa skal levere sin innstilling 1. juni. Målet er at et nytt og permanent regelverk skal gjelde frå 2010.

Plastinnsamlingar på Malmheim i 2009

Viking 4-H skal arrangerer 3 plastinnsamlingar i 2009.

Datoer: 21.februar, 20.juni og 31. oktober.

Stad: Julebygda Grendehus

Tid: 10:00 - 13:00.

Meir info om krav til levering finn du her:
http://sandnesbondelagarkiv.blogspot.com/

Jordbruket i Sandnes

Generelt
Sandnes er blant dei største landbrukskommunane i Rogaland. Dei naturgjevne vilkåra for landbruk er varierande, og svært gode for store deler av kommunen. Etter norske forhold er jordsmonnet og verlaget svært godt for landbruket. Vekstsesongen er lang med nok varme og nedbør.

Det er i overkant av 950 landbrukseigedomar i kommunen. Om lag 350 av desse har eiga drift, dvs av eit slikt omfang at eitt eller fleire foretak på eigedomen mottek produksjonstilskot. Dei fleste av desse driftseiningane er på 100 - 300 dekar. Jordbruksarealet i drift er på rundt 76.000 dekar som utgjer ca 25 % av kommunen sitt landareal. Av jordbruksarealet er om lag 72000 dekar areal til slått og beite, 3000 dekar korn, 800 dekar til grønsaker og poteter, og 200 dekar til frukt og bær.

Statistikk av tal for Sandnes i % av Rogaland:

Dyr:
Mjølkekyr 9,4 %
Andre storfè 8,8 %
Avlspurker 5,5 %
Slaktegris * 6,2 %
Vinterfôra sau 6,4 %
Pelsdyr -mink * 18,1 %
Verpehøns 4,5 %

Økologisk:
Mjølkekyr 26,5 %
Andre Storfê 22,5 %

Areal:
Grovfôr 7,6 %
Korn 8,9 %
Potet 6,2 %

Tal er henta frå søknad om produksjonstilskott pr. 31.07.2008.
*Tal dyr pr. 01.01.2008.

Om landbruket i Sandnes:

Statistisk sentralbyrå

Statens landbruksforvaltning

Om Sandnes Bondelag

Høyland Bondelag vart stifta 21.01.1891. I 2006 vart navnet endra frå Høyland Bondelag til Sandnes Bondelag. Pr. 31.12.2008 har Sandnes Bondelag 464 medlemmer og er det nest største lokallet i Rogaland og eit av dei største lokallaga i Norges Bondelag.

Norges Bondelag er den største fagorganisasjonen for bønder i Norge, og har som mål å "samle alle som er, eller kjenner seg knyta til bondeyrket, fremme felles saker, trygge landbruket og ivareta bygdenes økonomiske, sosiale og kulturelle interesser." Me forhandler kvar år med Staten om bondens inntektsmoglegheiter. Bondelaget mottek ikkje statsstøtte, og er økonomisk og politisk uavhengig.

Norges Bondelag arbeidar for å betre vilkåra for landbruket og synliggjere landbrukets betydning for samfunnet. Bondelaget er partipolitisk uavhengig og den leiande organisasjonen for næringspolitikk og service i landbruket. Med 62.000 medlemmer, om lag 580 lokallag, 18 fylkeslag, gode politiske kontakter og høy fagleg kompetanse er me ein sterk organisasjon.

62.000 medlemmer i Norges Bondelag gir gode mangfoldige matopplevelser, skaper grobunn for levedyktige lokalsamfunn, gjer landet vakkert og fornyer verdiskapninga på gården.

DAGSTUR MED BUSS 10. FEBRUAR

Årets dagstur er i samarbeid med Fjøssystemer AS på Nærbø, med 2 gardsbesøk for å sjå på nye driftsbygningar til mjølkekyr med spesielt fokus på kalvestell. Turen vert arrangert av Riska og Sandnes Bondelag.

Program:
· 09:30 Avreise frå Fatland, Hommersåk
· 10:00 Avreise frå MEGA, Brueland
· 10:30-11:00 Pressentasjon av Fjøssystemer.
· 11:00-11:30 Lunsj
· 11:30-12:45 Omvisning hjå Kurt Hobberstad
· 13:30-15:00 Gardsbesøk hjå GTI Samdrift DA v/ Tor Gunnar Østebø
· Ca kl 15:45 Tilbake på Fatland, Hommersåk

Pris kr 200,- inkl. buss og lunsj.

Påmelding innan 4. februar til : Morten Malmin tlf 916 38 719
eller
Sigmund Svendsen tlf 991 54 012

VELKOMMEN

Gjødslingsseminar

Mandag 2. februar kl 10:00-14:30 vert det arrangert seminar om gjødsling på Undheim Samfunnshus. Seminaret er åpent for alle.

Program:
10:00 Velkommen v/Olav Husveg
10:05 Miljøvennleg gjødselspreiingsprosjekt v/ Olaf Gjedrem
10:15 Situasjonen for mineralgjødsel, typer, tilgang og pris v/ Jens Randby, FK
10:45 Rett gjødsling v/ Rangvald Gramstad, Forsøksringen
11:30 Matøkt - Kjøttkaker og sviskegrøt
12:30 Eiga eller leiga gjødselutstyr v/Martin Svebestad, Klepp gardsrekneskapslag
13:00 Husdyrgjødsel, transport og økonomi v/ Jan Karsten Henriksen, Agder Forsøksring
13:20 Erfaringer ved leigekjøring spreiing av husdyrgjødsel v/Jakob Eskeland
13:45 Leigekjøring i kontainer og slangespreiing v/Torstein Sele og Jakob Eskeland. Info
om pris og tilbod til komande vekstsesong.
14:00 Samtale og oppsummering

Arrangør:
Forsøksringen på Jæren
Aksjon Jærvassdrag

Invitasjon til deltaking i studiering - Landbrukspolitikk

Sandnes Bondelag arrangerer studiering i landbrukspolitikk. Alle i styret deltek, og det er ledige plasser dersom andre ønskjer å delta. Studieringen vert gjennomført på 3 kvelder .

Formålet med studieringen er auka kunnskap om samanhengane i landbrukspolitikken, jordbruksforhanlingane og WTO-forhandlingane. Det vil også verta arbeida med ein uttale som skal sendast til Rogaland Bondelag framfor årets jordbruksforhandlingar.

Tidspunkt vert: 14, 20 og 27 januar.

Dersom du er interessert kan du ta kontakt med Morten Malmin på tlf 916 38 719

Avfall i landbruket : Kor kan me levera ?

Dei fleste har vel ein avfallsplan, men her er eindel tips.

Me har fått god hjelp av Martin M. Haarr - mange kjenner han som KSL-revisor, men han har og vore engasjert i ulike prosjekt innan dette med avfallsproblematikk i landbruket.

Me har og fått veiledande prisar frå eit par av mottaka.

Dessverre tillet ikkje teknikken her å gjengi det så fint og ordentlig, me gjer så godt me kan.

• Plastfolie / landbruksplast : 4H-innsamlingar (gratis + går til ein god sak ), Westco på Bærheim (gratis) ( OBS: Reint og sortert ! )
• Dekk: Leverandør (gratis)
• EE-avfall, el-verktøy, lysrøyr ++: Leverandør (gratis)
• Traktorbatteri : Leverandør (gratis )
• Plastkanner med pant : Leverandør (gratis, - du får til og med panten tilbake.. )
• Plastkanner uten pant : Westco på Bærheim (kr. 250,- +mva pr.tonn )
• Kanner for plantevernmiddel, vaska : Westco på Bærheim (kr. 250,- + mva pr. tonn )
• Jern / metall : Westco på Bærheim (gratis, foreløpig )
• Olje frå traktor/landbruk : Leverandør (gratis) eller Henriksen Oljetransport, Kalhammaren (gratis, men OBS : kun spillolje av smøreoljer, må ikkje vera iblanda f.eks. diesel - då blir det ei avgift på det )
• Oljefilter : Leverandør (gratis) eller Henriksen Oljetransport, Kalhammaren (kr. 17,- +mva pr kg )
• Organisk avfall frå eigen gard : Deponer på eigen gard - du er sjøl leverandør. Men bruk fornuft. Husk fare for avrenning og visuell forsøpling. Og pirkete dåsemiklar.
• Medisin / sprøytespissar o.l. :Medisin til apotek (gratis), gjerne via dyrlegen. Sprøytespissar og skalpellblad jobbar me med å finna opplegget for.
• Plantevernmiddel : Henriksen Oljetransport, Kalhammaren ( Normalt kr. 30,- +mva pr. kg. Kvikksølvholdige middel (sjelden) kr. 550,- + mva pr.kg )
• Malingsrestar : Henriksen Oljetransport, Kalhammaren (kr. 6,50 +mva pr kg )
• Daude dyr : Norsk Protein, Grødaland henter desse (gratis)

Det som står som gratis er for ein stor del finansiert av miljøgebyr når produkta blir kjøpt. Apropos det, så anbefaler Martin Haarr at ein får entreprenørar som pakkar plastballar til å enten spesifisera vederlagsgebyret eller skriva på fakturaen at det er inkludert.

Sjekk prisar og vilkår med mottaka før du leverer, dette er veiledande og kan endrast. Me kan ikkje ta ansvar for mulige feil.

Har du tips om bedre alternativ : Gje oss beskjed, så legg me det ut her !
Eventuelt legg inn kommentar til dette innlegget..

Linkar :

Henriksen Oljetransport
Westco Miljø
Norsk Protein

Reaksjon på brosjyren "Vis Trafikkvett på traktoren"

Sandnes Bondelag reagerer sterkt på brosjyren ”Vis trafikkvett på traktoren” der Norges Bondelag også er ein av deltakarane bak kampanjen.

Den største reaksjonen kjem frå setninga: ” For landbruksmaskin – d.v.s. traktor med utstyr, skurtresker eller andre landbruksmaskiner – med bredde mellom 2,55 m og 3,50 m kan en kjøre langs offentlig vei over kortere veistrekning som ledd i vanlig bruk av maskiner. Det gjelder frå tun til teig, eller teig til teig, i praksis maks 5 km.”

Sandnes Bondelag er positiv til kampanjen Vis trafikkvett på Traktoren der målet er forebygging av uheld på veg der traktor er involvert. Men på grunn av nemnde avgrensing som er med i brosjyren meiner me at, dette er svært uheldig for landbruket.

Denne formuleringa vil i praksis føre til strengare handheving av gjeldande forskrift om bruk av kjøretøy på offentleg veg, og me er heller ikkje kjent med at EU land praktiserer ein så sterk avgrensing av landbruksmaskinar langs offentleg veg. Me er også kjent med at lokale trafikkstasjonar til Statens vegvesen allereie har hatt møter, der handheving av ”holdningane” (5 m avstanden) frå denne kampanjen er diskutert.

Over fleire år har staten vore ein pådrivar for å få eit meir rasjonelt landbruk i Norge med færre og større driftseiningar og reduserte kostnader. Mange har allereie tilpassa seg avstandsgrensa mellom deltakarar i samdrift, som er sett til 17 km. Større bruk med auka avstand mellom areala og reduserte kostnader, krev større og effektive landbruksmaskinar, og meir spesialiserte maskinstasjonar (leigd hjelp), som er avhengig av å kunne flytte landbruksmaskinar over eit større område.

Eit anna moment er miljøtilpassinga i landbruket, med offentlege tilskott til dyrt utstyr til nedmolding av husdyrgjødsel, der det vert nødvendig at fleire går saman om slikt utstyr, der det òg vert lang transportavstand.

Auka bruk av maskinstasjonar som spesialiserer seg på plantevern gir også nøyaktig og sikker bruk av plantevernmiddel.

Alt dette er ei utvikling Statens vegvesen òg må akseptera!

Bondevorspiel lørdag 21. februar

Sett av kvelden allerede nå, folkens. Skaff avløysar og barnevakt og hundepassar og bli med på vorspiel på Bøndenes Hus lørdag 21. februar 2009. Dette er vorspielet for alle med tilknytning til landbruksmiljøet.
Ikkje - medlemmer er også hjertelig velkomne !
Klokkeslett blir frå etter fjostid til litt før midnatt - me stikker ut på byen etterpå.
Nærmare info legges ut seinare.

Invitasjon til deltaking i forskningsprosjekt

Universitetet for Miljø- og Biovitenskap (UMB) og Aker universitetsykehus har starta forskningsprosjektet " Grønn omsorg: Effekter av dyr på gårdsbruk i en terapautisk prosess for mennesker med psykiske lidelser."

Bønder i Sandnes vert invitert til å delta i prosjektet. Forskningsprosjektet er allerede delvis gjennomført og det gjenstår nå to omganger, vår og haust 2009.

Beskriving: I kvar omgang på 12 veker vil det kome ein eller to deltakarar på garden, som skal vere med på eit vanleg ettermiddagsstell i fjoset to dagar i veka (mandag til torsdag). Utover arbeidet med å rettleie deltakarane under fjosstellet er det kun eit spørreskjema om garden (dyretal, storleik, o.s.v.) som skal fylles ut på førehand, loggføring av oppmøte i fjoset, samt ei evaluering i etterkant.

Godtgjering for at deltakaren er på garden er sett til kr 200,- pr. time for to deltakarar (d.v.s. kr 600 pr. ettermiddag). Alle deltakarane vil vere voksne menneske som ønsker eit slik tiltak, og som vil ha utbytte og glede av å vere med. Deltakarane er rekruttert av prosjektet via helsevesen eller NAV. UMB vil tegne ulykkeforsikring for alle deltakarane, som gjeld under arbeidet på garden.

Dette er eit spanande prosjekt, som er positivit for landbruket. For meir informasjon kan dykk ta kontakt med: morten_malmin@hotmail.com eller tlf 916 38 719.

Første mann til mølla!

Staten forskjellsbehandler samdrifter!

Hvorfor skal ikke to bønder som tidligere har tatt oppfordring fra Staten om å rasjonalisere og gå i samdrift, få de samme mulighetene som en enkeltbonde? Med dagens regelverk kan en enkeltbonde leie ekstra kvote (mulighet for å produsere mer melk), mens en samdrift som har samme kvote som enkeltpersonen ikke får leie mer kvote. For få år siden gav Staten økt driftstilskudd for de som gikk sammen i samdrift, for å øke rasjonaliseringen i landbruket, mens nå blir de samme personene straffet med at de ikke kan øke produksjonen mer. Dette mener Sandnes Bondelag er urimelig forskjellsbehandling fra statens side, og krever at dette må endres.

Vasspest

Sandnes Bondelag observerer og får tilbakemeldinger på at det er stor spredningen av vasspest den senere tiden. Vi ser på dette som alvorlig og svært betenkelig, at dette aggressive ugresset sprer seg så fort.

Sandnes Bondelag har sendt brev til Sandnes kommune, og ønsker mer informasjon om tiltaksplan og fremdrift, i arbeidet med å utrydde vasspesten.